Sumarferð Sörla 14. – 19. júní 2017 Hrunamannaheppur
Að þessu sinni ætla Sörlafélagar að ferðast um í ægifögru umhverfi Hrunamannahrepps, þar sem reiðleiðir eru með því besta sem gerist.
Aðstaðan Gist er í Hvítárdal þar sem að aðstaða er mjög góð uppábúin rúm fyrir 20 og einnig er mjög góð aðstaða í gamalli hlöðu fyrir kvöldmat og kvöldvökur.
Tjöld/tjaldvagnar/fellihýsi. Gott slétt tjaldsvæði er rétt við húsið. Góð aðkoma er fyrir fellihýsi og hjólhýsi.
Matur Í Sörlaferðum er allur matur kvölds og morgna innifalinn í verði. Þá er gert ráð fyrir að fólk smyrji sér nesti fyrir daginn af morgunverðarborði. Matseld og þrif í höndum þátttakenda sjálfra samkvæmt hefð.
Fararstjórn Er í höndum þeirra Heimis Gunnarsonar og Ragnhildar Birgisdóttur sem eru mörgum Sörlafélögum að góðu kunn
Fjöldi hesta. Þessi ferð krefst tveggja vel þjálfaðra hesta á mann. Hestarnir þurfa að vera nýlega járnaðir. Að gefnu tilefni viljum við taka fram að hestar eiga að vera á sumarskeifum. Þátttakendur eru beðnir að gæta hófs í hrossafjölda.
Verð í ferð Verðið í ferðina er kr. 52.000 á mann miðað við 2 hesta. Auka hestur í ferð 2.500 kr/hest. Ekki er gert ráð fyrir að menn taki með sér fleiri hesta í ferðina nema með leyfi ferðanefndar þar sem hámarksfjöldi hrossa í ferðinni er 100 hross.
Skráning í ferðina verður ekki virk fyrr en 10.000 kr staðfestingargjald hefur verið greitt. Staðfestingargjald og fullnaðargreiðslu skal leggja inn á eftirfarandi reikning:Reiknnr.1101-26-004044 Kt. 640269-6509 Vinsamlegast sendið kvittun á ferdanefnd@sorli.is
Vinsamlega athugið:
- Að um er að ræða takmarkaðan fjölda þátttakenda -fyrstur kemur fyrstur fær.
- Að þeir einir geta farið í Sörlaferðir sem eru fullgildir, skuldlausir félagar í Sörla.
- Að hjálmaskylda er í Sörlaferðum!
- Að ölvun á hestbaki getur varðað brottvikningu úr ferð (gæta hófsJ)
- Að hver og einn ber ábyrgð á sinni eigin slysa- og ferðatryggingu.
- Að greiða þarf 10.000 kr staðfestingargjald eigi síðar en 15. mars 2016.
- Að helming ferðarinnar þarf að greiða fyrir 20. apríl 2016 þar sem endanlegur fjöldi í ferðina þarf að liggja fyrir þá (vegna staðfestingar á gistingu, rútu og fleira)
- Að hægt er að panta í ferðina með því að senda tölvupóst á ferdanefnd@sorli.is
- Að Sörli tekur ekki ábyrgð á meiðslum á hrossum sem alltaf geta komið upp í stóru stóði.
Athugið: Hrossin eru teymd af stað að morgni 4. Dags, þar sem við erum að fara í gegnum land með lausum hrossum
Ferðatilhögun – Allar vegalengdir áætlaðar og fyrirvari gerður um breytingar á einstökum áföngum.
Dagur 1 – 14. júní. Mæting í Hvítárdal.Koma sér fyrir ogkvöldmatur.Nánari ferðatilhögun kynnt, farið yfir reiðleiðir næstu daga.
Dagur 2 – 15. júní. Riðið sem leið liggur upp að Haukholtum og þar er beygt yfir á Kongsveg yfir að Brúarhlöðum og sem leið liggur að Gulfossi. áð þar og riðið svo til baka ca 25 km
Dagur 3 – 16. júní. Riðið sem leið liggur veginn upp að Helgaskála ca 35+ km
Dagur 4 – 17. júni. Riðið niður með Laxárgljúfrum og niður að Kaldbak 25+km
Dagur 5 – 18. júní. Riðið frá Kaldbak og í gegnum Berghyl og þaðan að Hvítárdal, rúmir 15 km. Síðan síðar þennan dag munum við leggja á einn hest og ríða að Eyvindarbrgi, en þar hélt fjalla Eyvindur sig og bróðir hans í Hvítárdal laumaði til hans mat.
Dagur 6 – 19. júní. Tiltekt og heimferð um hádegi.