Á gæðingamóti Sörla og Graníthallarinnar ætlar mótanefndin að bjóða upp á nýja keppnisgrein þ.e. sérstaka grein fyrir polla "pollagæðingakeppni" enda eigum við í Sörla marga góða knapa sem mega ekki enn keppa í barnaflokki.
Í lögum og reglum LH frá 2013 segir m.a. um pollagæðingakeppnina:
Þátttökurétt hafa öll börn 9 ára á árinu og yngri. Allir pollar skulu fá viðurkenningu fyrir þátttöku. Ekki skal keppt í pollaflokki á Landsmóti. Pollum er ekki heimilt að keppa á stóðhestum.
Keppnin
2-5 keppendur inni á vellinum í einu. Gefið skal upp við skráningu hvort riðið sé upp á hægri eða vinstri hönd. Þulur stjórnar keppni. Riðið skal að lágmarki 2 hringir og að hámarki 3 hringir í hverju verkefni.
- Tölt eða brokk, hægt til milliferð
- Fet
Ekki verða riðin sérstök úrslit í pollakeppninni.
Dómar
- 3 - 5 dómarar dæma með spjöldum 5 - 10.
- Gefin skal einkunn fyrir stjórnun og ásetu sem gildir 1/2 af heildareinkunn, þ.e. deilitala dómara er 4. Meðaleinkunn reiknuð.
- Heimilt er að skera úr um úrslit í forkeppni og sleppa þar með úrslitum, enda séu keppendur 5 eða færri og hafi keppt saman í forkeppni.
Almennar ábendingar
- Sérstakt tillit er tekið í dómum til eftirfarandi atriða:
- Hreinleika gangsins.
- Léttleika, jafnvægis, fallegrar reisingar og fjaðrandi hreyfinga.
- Ásetu og taumhalds, hversu virkur knapinn er.
- Tekið skal á grófri reiðmennsku í dómi.
Hvetjum við alla vana polla að taka þátt í þessari gæðingakeppni. Hlökkum til að sjá sem flesta.
Með kveðju Mótanefndin.
