Í ár eins og síðastliðin ár ætlum við Hestamannafélagið Sörli að vera í samstarfi við tvo aðila með reiðnámskeið í sumar Íshesta og Hestaíþróttaklúbbinn Fákar og fjör.
Reiðskólinn hjá Íshestum er starfræktur hér á félagsvæði Sörla og hefur samstarfið verið í mörg ár, verður hann með sama sniði og undan farin ár. Í reiðskólanum er engin bókleg kennsla en verkleg kennsla fer fram í gegnum leik og starf með hestunum. Foreldrum er boðið að koma á sýningu í reiðhöll Sörla síðasta kennsludag. Námskeiðin hafa verið afar vinsæl og mjög vel sótt í gegnum tíðina.
Skráning og frekari upplýsingar hér.
Í sumar sem og seinustu ár heldur Sörli áfram samstarfi við þær Sif og Karen sem hafa nú um árabil rekið hestaíþróttaklúbbinn Fákar og fjör. Þær sjá um reiðkennslu á sumarnámskeiðum sem verða kennd í yndislegu umhverfi á Álftanesi. Námskeiðin eru sannkölluð ævintýranámskeið og henta vel fyrir krakka sem hafa stundað hestamennsku og eiga jafnvel eigin hest og geta komið með hann.
Skráning og frekari upplýsingar hér.
