Reiðhöll

Um Reiðhöllina og notkun hennar

Reiðhöll Sörla er notuð til kennslu, keppni og atburða á vegum félagsins. Félagsmenn hafa aðgang að höllinni á ákveðnum tímum skv. auglýstri dagskrá. Hægt er að nálgast nýja lykla að reiðhöll á skrifstofu frá 9-12 virka daga. 

Ef endurnýja þarf áskrift reiðhallalykla skal hafa hafa samband við framkvæmdastjóra.  Sendur er reikningur í heimabanka og lykillinn virkjaður um leið og reikningur hefur verið greiddur.

PDF skjal með reglum reiðhallarinnar.

Gjaldskrá 2020-2021 

• Lykill A - 6:00-24:00 - Heilt ár - 30.000 kr.
• Lykill A - 6:00-24:00 - 1/2 ár - 20.000 kr.
• Lykill B - 14:00-24:00 - Heilt ár - 15.000 kr.
• Lykill B- 14:00-24:00 - 1/2 ár - 10.000 kr.
• Lykill C - 6:00-24:00 - Einn mánuður - 5000 kr.
• Lykillinn sjálfur 2000 kr

B lyklar virka frá 6:00 - 24:00 um helgar og á rauðum dögum.

17 ára og yngri + ellilífeyrisþegar, greiða eingöngu fyrir lykil.

18-21 ára - ungmenni og öryrkjar fá lykil B - heilt ár innfalið í félagsgjöldunum sínum.

Hver rekstareining greiðir bara fyrir 2 lykla - á einungis við um Lykil A og B - heilt ár.

Ein rekstrareining er fjölskylda eða tamningastöð. Hver eining getur að hámarki fengið 4 lykla.

Óheimilt er að nota lykil sem skráður er á annan einstakling. 

Allir lyklar skulu skráðir á nafn hjá framkvæmdastjóra. 

Aukalyklar eru skráðir á nafn einstaklings þrátt fyrir að tilheyra rekstrareiningu 

og er það á ábyrgð kaupanda að skipta um nafn komi til nafnabreytingar.  

Athugið: Einungis skuldlausir félagsmenn hafa kost á að kaupa aðgangslykla að reiðhöll félagsins.

Þeir knapar sem eru uppvísir af því að lána lyklana sína ítrekað geta átt hættu á því að lyklunum þeirra sé lokað.

Reglur um notkun reiðhallar

1. Umsjónarmaður reiðhallar sér um skipulagningu tíma og gætir þess að upplýsingar liggi fyrir í reiðhöll og á vef félagsins.

2. Óheimilt er að skipuleggja kennslu hópa á tímum sem höll er auglýst opin til almennrar notkunar. Félaga í Sörla er heimilt að njóta leiðsagnar í einstaklingskennslu á opnum tíma án þess að lokað verði fyrir notkun annarra á sama tíma.

3. Notkun reiðhallar annarra atburða, s.s. móta, sýninga og kennslu, verður skipulögð í samráði við umsjónarmann og skal þess gætt að slíkt sé auglýst á vef félagsins undir hnappnum Sörlastaðir og í reiðhöll.

4. Knöpum er skylt að nota hjálm í reiðhöll. Á þetta við um alla, atvinnu- og áhugamenn.

Samþykkt í stjórn Sörla, 10. mars, 2009.

Almennar reglur í reiðhöll

• Hjálmaskylda er í reiðsal.
• Láta vita af sér áður en teymt er inn á völlinn.
• Farið á bak og af baki inn á miðjum velli, en ekki á reiðleiðum í útjaðri vallar.
• Fetgangur skal riðinn á innri sporaslóð þegar aðrir knapar ríða á hraðari gangtegund á ytri sporaslóð. 
• Þeir sem ríða hægari gangtegund skulu ávallt víkja fyrir þeim er hraðar fara.
• Hægri umferð gildir þegar knapar mætast úr gagnstæðri átt ef riðinn er sami hraði.  Undantekning frá því er ef annar knapi ríður hraðar og þá skal honum eftirlátin ytri sporaslóð.
• Tvær hestlengdir skulu ávallt milli hesta. 
• Ekki má ríða hlið við hlið eða hafa tvo hesta til reiðar.
• Knapi sem ríður bauga, á hringnum, eða aðrar reiðleiðir inni á velli veitir þeim forgang sem ríða allan völlinn á sporaslóð.
• Ekki má stöðva hestinn á ystu sporaslóð.  Ef stöðva þarf hest er best að gera slíkt inni á miðjum velli.
• Hringtaumsvinna fer engan veginn saman við þjálfun í reið og skal víkja nema um annað sé sérstaklega samið.
• Fylgja ber hefðbundnum reiðleiðum á vellinum og forðast skal að ríða þvert fyrir aðra knapa.
• Ekki má hafa lausa hesta á vellinum meðan á reiðþjálfun stendur né binda hest þar.
• Hundar eru stranglega bannaðir inn í reiðhöllinni.
• Knapar skulu sýna kurteisi og tillitssemi og forðast óróa eða hávaða.
• Öll þjálfun á völlum sem félagið leggur félagsmönnum til er á eigin ábyrgð.
• Knapar skulu ganga vel um reiðsalinn og hirða skit upp eftir sinn hest.
• Börn yngri en 13 ára þurfa að vera í fylgd með forráðamanni.