Fundur nr.: 8 - 2017
Staður og stund: Sörlastaðir, mánudagur, 13. febrúar 2017
Mættir: Thelma Víglundsdóttir, Valka Jónsdóttir, Þórunn Ansnes, Atli Már Ingólfsson, Hanna Rún Ingibergsdóttir, Eggert Hjartarson
Fjarverandi: Einar Örn Þorkelsson
Gestir: Ásgeir Margeirsson, Sigurður Emil Ævarsson
Ritari fundar: Valka Jónsdóttir
Skráarnafn: 8 - Fundargerð stjórnar Sörla. nr. 8, 13. febrúar 2017
Ásgeir Margeirsson og Sigurður Emil Ævarsson komu á fund til að kynna stöðu um framtíðaruppbyggingu á Sörlastöðum, skipulagi svæðisins og byggingu nýrrar reiðhallar til að mæta vaxandi þörf fyrir aðstöðu.
- Klára þarf eigna skiptasamning vegna Sörlastaða og keppnisvalla.
- Klára þarf deiliskipulag og fá það samþykkt hjá bænum.
- Þegar þessu er lokið þá þarf að fara í stefnumótun hvað varðar reiðhallar-byggingu og hvernig aðstöðu. Skipa bygginganefnd sem sér um þessa vinnu með aðila úr stjórn.
- Ásgeir og Sigurður ætla að taka fyrstu tvö málin að sér og koma þeim í farveg.
Hugmynd um að fara í samstarf við listamenn í Hafnarfirði og láta búa til flott listaverk sem afmarkar Sörlasvæðið líkt og er í Mosfellsbæ (hestur í fullri stærð) og á Hellu (fimm gangtegundir).
Stjórn fór til Hafnarfjarðarbæjar til að kanna lóðarframboð á Sörlasvæði, stærð, verð og húsgerðir. Í Kaplaskeiði og Fluguskeiði eru lausar lóðir.
Kynning verður á Ásvallabrautinni á næstu tveimur vikum.
Kynbótasýning í Hafnarfirði verður 22. - 26. maí.
Reiðvegir eru ekki í góðu standi. Miklar rigningar hafa gert það að verkum að fína efnið í reiðvegunum hefur á nokkrum stöðum horfið. Efnið fyrir neðan Hlíðarþúfum verður notað til að laga reiðvegina. Verður farið í þetta þegar veður leyfir.
Verkefnalistinn er tilbúinn, verður farið yfir á næsta fundi.
Fundi slitið kl. 21
