Aðrir vetrarleikar vetrarins fara fram föstudaginn 8. mars og laugardaginn 9. mars að Sörlastöðum í Hafnarfirði.
Skráning fer fram á Sportfeng og lýkur á miðnætti fimmtudaginn 7. mars2019. Ekki er tekið á móti skráningurm símleiðis eða í dómpalli að skráningarfresti loknum.
Skráningargjald er 2500 kr í öllum flokkum, en frítt er fyrir polla og 1500 kr fyrir skeið.
Leikarnir hefjast með skeiðkeppni á föstudeginum kl. 18:00. Laugardaginn 9. mars er svo töltkeppni á beinni braut. Dagskrá hefst kl. 10 með Barnaflokki (rásröð hér að neðan) og lýkur á Pollaflokki inni í reiðhöll.
Dagskrá og keppnisflokkar:
Föstudagur kl. 18
- 100 m Skeið
Laugardagur:kl. 10
- Börn
- Unglingar
- Ungmenni
- Byrjendaflokkur (Opinn flokkur 3)
- Konur 2 (Opinn flokkur 2)
- Karlar 2 (Opinn flokkur 2)
- Heldri menn/konur 55+ (Opinn flokkur)
- Konur 1 (Opinn flokkur 1)
- Karlar 1 (Opinn flokkur 1)
- Opinn flokkur (Opinn flokkur -Meistaraflokkur)
- Pollar (reiðhöll)
Mótið er ætlað skuldlausum félagsmönnum í hestamannafélaginu Sörla. Hver keppandi má aðeins skrá í einn flokk og eru félagar hvattir til að sýna metnað við skráningu í flokka.
Mótanefnd áskilur sér rétt til að sameina flokka ef ekki er næg þátttaka í einhverjum þeirra.
Vetrarleikar Sörla er þriggja móta röð þar sem verðlaunað er fyrir hvert mót, auk þess sem keppendur safna stigum úr öllum þremur mótunum og verða stigahæstu knaparnir í hverjum flokki verðlaunaðir á síðasta mótinu.
1.sæti gefur 11 stig
2.sæti gefur 8 stig
3.sæti gefur 6 stig
4.sæti gefur 5 stig
5.sæti gefur 4 stig
1 stig fæst fyrir þá sem taka þátt.
Mótanefnd hvetur keppendur að nýta vetrarmótaröðina til að fara út fyrir þægindarammann og leggja metnað í hvaða flokk það skráir sig. Það hefur ekkert fordæmi fyrir því hvaða flokka fólk skráir sig í á stærri mótum.
Tölt keppnin fer fram á beinni braut. Allir keppendur í sama flokki eru saman á vellinum. Þeir ríða hver á eftir öðrum til dóms eftir útgefinni rásröð.
Keppt er annars vegar í hægu tölti og hins vegar frjálsri ferð á tölti eftir fyrirmælum þular. Í 100 m skeiðkeppni eru riðnir tveir sprettir og gildir betri tíminn úr öðrum hvorum sprettinum. Sjá nánar reglur mótaraðarinnar hér:
https://www.sorli.is/tilkynningar/reglur-landsbankam%C3%B3ta-ra%C3%B0ar-...
Facebook:
https://www.facebook.com/events/153683122216017/?active_tab=about
