Keppt verður í 100 m Flugskeiði P2 á nýendurgerðri skeiðbraut félagsins sem vakti mikla lukku á nýafstöðnu íþróttamóti félagsins. Því hefur jafnvel heyrt fleygt að hér sé um “bestu skeiðbraut landsins” að ræða – en líklega metur það hver og einn best sjálfur.
Búast má við HÖRKU KEPPNI enda hafa þegar skráð sig til leiks íslandsmeistarar, heimsmeistarar og aðrir snillingar. Íslandsmetshafi í 100 m skeiði Guðmundur Björgvinsson mætir með Glúm frá Þóroddsstöðum, og heimsmetshafi í 250 m skeiði, Konráð Valur Sveinsson mætir með Kjark frá Árbæjarhjáleigu og Losta frá Ekru og Jóhann Magnússon mætir með Fröken frá Bessastöðum en hún á besta tímann á árinu.
Þetta verður sannkölluð skeiðveisla.
Að vanda verður í boði veitingasala hjá Stebbu í félagsheimilinu.
Skráning fer fram á sportfengur.com og verður tekið á móti skráningum til hádegis á laugardag 1. júní.
