Landsbankamót III verður haldið fimmtudaginn 14 apríl til og með laugardeginum 16. apríl Opið er fyrir skráningu á sportfengur.com og er hún opin út 13.apríl. Athugið að um er að ræða tvö mót Landsbankaskeið og Landsbankamót III. Rétt er að minna á að einungis þeir sem hafa greitt félagsgjöldin fyrir árið 2016 hafa rétt á að keppa á þessu móti.
Hér eru leiðbeiningar hvernig flokkar eru skilgreindir í sportfeng.
Opinn flokkur. Mikið keppnisvant fólk, bæði atvinnumenn og áhugamenn. Kynjablandaður flokkur. Fólk sem mjög virkt í keppni og hefur áralanga reynslu í keppni.
Opinn flokkur - 1 flokkur. Keppnisvanir knapar, bæði konur og karlar skrá sig hér en flokkurinn er kynjaskiptur í keppni. Fólk sem hefur verið að keppa sem áhugamenn og eru komnir með reynslu í einhverjum keppnisgreinum.
Opinn flokkur - 2 flokkur. Minna vanir knapar, bæði konur og karlar skrá sig hér en flokkur er kynjaskiptur í keppni. Fólk sem hefur lítið keppt eða er að byrja aftur að keppa eftir langt hlé.
Meira vanir. Flokkur 55+ heldri menn og konur. Kynjablandaður flokkur fyrir knapa sem eru 55 á árinu eða eldri. Þeir sem kepptu í þessum flokk í fyrra (þá 50+) mega halda áfram að keppa í þessum flokk.
Minna vanir Byrjendaflokkur. Kynjablandaður flokkur fyrir knapa sem hafa aldrei keppt en langar að spreyta sig.
Pollaflokkur. Knapar 9 ára eða yngri á árinu.
Barnaflokkur = Knapar 10 - 13 ára á árinu
Unglingaflokkur = Knapar 14 - 17 ára á árinu
Ungmennaflokkur = Knapar frá 18 - 21 ára á árinu
