Viðburðardagsetning: 
laugardaginn, 21. febrúar 2015 - 13:00 to 16:00
Vettvangur: 
Sörlastaðir

Fyrsta Landsbankamót vetrarins verður haldið laugardaginn 21. febrúar. Hefst það stundvíslega kl. 13:00 að Sörlastöðum í Hafnarfirði. 

 
Dagskrá og keppnisflokkar:
  • Skeið (100m)
  • Pollar teymdir 
  • Pollar 
  • Börn
  • Unglingar
  • Ungmenni
  • Heldri menn/konur
  • 3. flokkur
  • 2. flokkur
  • 1. flokkur
  • Opinn flokkur
  •  

Nánar um pollana:
Þar sem reiðhöllin verður lokuð vegna framkvæmda verða pollakeppnin út í hvíta gerðinu svo framarlega að veðrið verði skaplegt. 

  •  

Mótið er ætlað skuldlausum félagsmönnum í hestamannafélaginu Sörla. Hver keppandi má aðeins skrá í einn flokk og eru félagar hvattir til að sýna metnað við skráningu í flokka. Mótanefnd áskilur sér rétt til að sameina flokka ef ekki er næg þátttaka í einhverjum þeirra.

Landsbankamótaröðin er þriggja móta röð þar sem verðlaunað er fyrir hvert mót, auk þess sem keppendur safna stigum úr öllum þremur mótunum og verða stigahæstu knaparnir í hverjum flokki verðlaunaðir á síðasta mótinu.

1.sæti gefur 11 stig
2.sæti gefur 8 stig
3.sæti gefur 6 stig
4.sæti gefur 5 stig
5.sæti gefur 4 stig

1 stig fæst fyrir þá sem taka þátt.
 
Á þessu móti er keppt í tölti á beinni braut. Allir keppendur í sama flokki eru saman á vellinum. Þeir ríða hver á eftir öðrum til dóms eftir útgefinni rásröð. Keppt er annars vegar í hægu tölti og hins vegar frjálsri ferð á tölti eftir fyrirmælum þular. Auk þessa er keppt í 100 m. skeiði. Riðnir tveir sprettir og gildir besti tíminn úr öðrum hvorum sprettinum.  Sjá nánar reglur mótraðarinnar hér:  Reglur. 
 
Skráning: 
Skráningargjald er það sama og í fyrra og í hitti fyrra kr. 2000 fyrir alla flokka nema polla kr. 500 og skeið sem er kr.1500 krónur. 
 
Skráning fer fram í dómpalli föstudaginn 20. febrúar frá kl. 18 - 21. Athugið að ekki er tekið við skráningum á annan hátt.
Greiða þarf skráningargjald um leið og skráð er á mótið. Hægt verður að greiða með kortum, posi á staðnum.
 
Hvetjum við alla til að taka þátt og byrja að sanka að sér stigum.
 
Með kveðju Mótanefndin.
 

 

Birtingardagsetning: 
þriðjudaginn, 17. febrúar 2015 - 14:07
Frá: 
Mótanefnd
Skrár: 
Skrá Reglur Landsbankamótaraðar Hestamannafélagsins Sörla 2015.docx