Opið er fyrir skráningu á Gæðingamót Sörla og úrtöku fyrir Landsmót 2018. Að þessu sinni verður boðið uppá tvær umferðir úrtöku. Skráning er á sportfengur.com og lýkur henni á miðnætti 30. maí.
Fyrirkomulagið er þannig að samhliða gæðingamótinu verða riðnar tvær umferðir í úrtöku fyrir landsmót 2018. Í fyrri umferð úrtöku sem haldin verður föstudaginn 1. júní verður einungis riðin forkeppni. Seinni umferð úrtöku er haldin á Gæðingamóti Sörla þann 2. – 3. júní. Þá eru jafnframt riðin úrslit gæðingakeppninnar. Þeir keppendur sem ríða seinni umferð úrtöku og jafnfram eru keppendur á Gæðingamóti Sörla eru gjaldgengir í úrslit mótsins.
Á sportfeng eru tvö mót skráð þótt um eitt mót sé að ræða þar sem Sportfengur getur ekki haldið utan um alla þessar útfærslur í einu móti.
- Landsmótsúrtaka Sörla - Fyrri úrtaka (einungis forkeppni)
- Gæðingamót Sörla og seinni úrtaka fyrir Landsmót (forkeppni og úrslit)
Greinar sem eru í boði á Gæðingamóti Sörla eru:
- A – flokkur
- A – flokkur áhugamanna
- B - flokkur
- B - flokkur áhugamanna
- Ungmennaflokkur
- Unglingaflokkur
- Barnaflokkur
- 100 m. skeið
- Unghrossaflokkur (sjá nánari upplýsingar hér að neðan).
- Skrá þarf í unghrossakeppnina á netfangið motanefnd@sorli.is og er þátttökugjald 5.500.
- Pollaflokkur
- Skrá þarf í pollaflokkinn á netfangið motanefnd@sorli.is og er ekkert þátttökugjald
Skráningargjöld fyrir fyrri umferð eru:
- A og B flokkar gæðinga kr. 3.500
- Ungmennaflokkur kr. 1.500
- Unglinga- og barnaflokkur kr. 0
Skráningargjöld Gæðingamót Sörla (og seinni umferð úrtöku)
- A og B flokkar opinn og áhugamenn kr. 5.500
- Ungmenni, unglingar og börn. kr. 4.500
- 100 m. skeið kr. 3.000
Þeir sem ætla að skrá sig í áhugamannaflokk gera það með því að velja eða haka við „gæðingaflokkur" en aðrir velja „gæðingaflokkur 1"
Vinsamlega athugið að þarf hesturinn að vera í eigu Sörlafélaga. Keppendur í yngri flokkum þurfa að auki að vera skráðir félagar í Sörla.
Mótið er ætlað skuldlausum félagsmönnum.
Keppendur eru vinsamlega beðnir að skoða reglur LH sem gilda um þátttöku í gæðingakeppni.
Fyrirspurnir og/eða aðstoð við skráningu fer fram í gegnum tölvupóstfangiðmotanefnd@sorli.is eða í síma 897-2919.
Athugið að aðeins er hægt að greiða með korti (debet/kredit) við skráningu.
Hlökkum til að prófa nýtt fyrirkomulag og spennandi úrtöku fyrir Landsmót.
Unghrossakeppni
Það hefur lengi tíðkast hjá Sörla að bjóða upp á flokk unghrossa á gæðingamóti Sörla. Það eru hross sem verða 5 vetra á því ári sem mótið er haldið. Í ár eru það hross sem eru fædd 2013.
Í þessum flokk, ólíkt öðrum flokkum á gæðingamóti eru nokkur hross saman í holli, mest þrjú hross.
Þulur stýrir og er riðið skv. því sem hann gefur fyrirmæli um.
Riðið er:
- Hægt tölt
- Brokk
- Fet
- Stökk
- Frjáls ferð
Dæmt er eftir gæðingaleiðara og er því að auki dæmt fyrir:
- Vilja og geðslag
- Fegurð í reið
Það verður spennandi að fylgjast með þessum hrossum í braut, framtíðarkeppnishross Sörla.
