Laugardaginn 10. mars verða aðrir Vetrarleikar Sörla haldnir. Mótið hefst stundvíslega kl. 14:00 að Sörlastöðum í Hafnarfirði. Skráning verður á Sörlastöðum milli 11 og 12 sama dag.
Dagskrá og keppnisflokkar:
- Pollar keppa í reiðhölinni
- 100 m. skeið
- Börn
- Unglingar
- Ungmenni
- Byrjendaflokkur
- Konur 2
- Karlar 2
- Heldri menn/konur 55+
- Konur 1
- Karlar 1
- Opinn flokkur
Hver keppandi má aðeins skrá í einn flokk og eru félagar hvattir til að sýna metnað við skráningu í flokka. Mótanefnd áskilur sér rétt til að sameina flokka ef ekki er næg þátttaka í einhverjum þeirra.
Vetrarleikarnir eru þriggja móta röð þar sem verðlaunað er fyrir hvert mót, auk þess sem keppendur safna stigum úr öllum þremur mótunum og verða stigahæstu knaparnir í hverjum flokki verðlaunaðir á síðasta mótinu.
- 1.sæti gefur 11 stig
- 2.sæti gefur 8 stig
- 3.sæti gefur 6 stig
- 4.sæti gefur 5 stig
- 5.sæti gefur 4 stig
- 6 -10 gefa 3 stig
- 1 stig fæst fyrir þá sem taka þátt.
Á þessu móti er keppt í tölti á beinni braut. Allir keppendur í sama flokki eru saman á vellinum. Þeir ríða hver á eftir öðrum til dóms eftir útgefinni rásröð. Keppt er annars vegar í hægu tölti og hins vegar frjálsri ferð á tölti eftir fyrirmælum þular.
Mótanefnd hvetur keppendur að nýta vetrarmótaröðina til að fara út fyrir þægindarammann og leggja metnað í hvaða flokk það skráir sig. Það hefur ekkert fordæmi fyrir því hvaða flokka fólk skráir sig í á stærri mótum. Öllum skuldlausum Sörlafélögum er heimil þátttaka á þessum mótum, jafnvel þó þeir keppi fyrir önnur félög á keppnistímabilinu.
Skráningargjald er það sama og í fyrra kr. 2500, 1000 fyrir börn og unglinga og frítt fyrir polla.
Hvetjum við alla Sörlafélaga til að taka þátt.
Með kveðju Mótanefndin.
