Stjórnarfundur Sörla 14. nóv 2013

Fundurinn settur kl. 18:00.

1. Fundargerðir síðastu funda samþykktar.
2. Kaffisala á Sörlastöðum. Verið er að klára samning við Stefaníu um kaffisöluna og lofar það góðu .
3. Formannafundur Landsambands hestamannafélaga. Magnús og Sigurður gerðu grein fyrir því sem fór fram á þeim fundi. Sem var m.a. markaðsmál og öryggismál. Eins kom fram að skýrslu Æskulýðsnefndar Sörla var komið á framfæri. Æskulýðsbikarinn fór að þessu sinni til Sindra. Styrktarsjóður hestamanna, Taktur, var kynntur, en honum er ætlað að aðstoða ef upp koma óvænt atvik. Spurningin er hvernig þetta yrði fjármagnað.
4. Framkvæmdir á Sörlastöðum. Góður gangur í endurnýjun salernisaðstöðu. Rætt um Hurð á reiðhöll og aðgangsstýringu. Eggert tekur við því verkefni. Ræddir voru þeir kostir sem við eigum til að endurnýja gólfefnið á salnum uppi.
5. Gjaldskrá reiðhallar. Mikil umræða var um þetta mál og niðurstaða fékkst og næsta mál er að útfæra gjaldskrána og birta hana.
6. Hestadagar. Auglýst verður eftir þáttakendum á vefmiðlum .
7. Íslandsmót 2014 haldið af Sörla. Mótið verður í vikunni tuttugasta til tuttugastu og sjötta júlí 2014. Útfærsluatriði verða rædd frekar við formenn þeirra nefnda sem að mótinu koma.
8. Fjármál nefnda. Það þarf að skoða vel hver staða nefnda er gaganvart félaginu. Sumar nefndir virðast eiga sjóði , sem æskilegt væri að yrði notaðir í starfsemi félagsins.
9. Til fundarins mættu formenn nefnda Sörla. Var þeim kynnt hverjir af stjórnarmönnum væru þeirra tengiliðir. Síðan var farið í að smíða dagskrá vetrarins. Ljóst er að margt spennandi verður í boði. Eins voru rædd fjármál nefnda og hverjir væru aflögufærir til að styðja við félagið í þeim mörgu og metnaðarfullu framkvæmdum sem standa yfir og eru framundan. Eins og 70 ára afmæli félagsins , Íslandsmót og viðgerðir og endurbætur á Sörlastöðum.
10. Önnur mál. Fram kom að slys varð þegar hross hljóp á bíl á veginum fyrir neðan Hlíðarþúfur. Ljóst er að úrbóta er þörf. Hafnarfjarðarbæ verður skrifað bréf út af þessu máli . Hvaða útfærsla væri best, og raunhæfust, þarf að skoða vel.

Ekki fleira gert og fundi slitið kl. 20:40

Mættir: Magnús, Thelma , Þórunn, Sigurður, Ásgeir, Eggert og Haraldur.