Góður hópur Sörlafélaga tók sig saman og fóru á Löngufjörur með vertunum á Hótel Eldborg um miðjan ágúst á svokallaða „slútt“ helgi en það er síðasta helgin sem farið er á fjörurnar fyrir skólabyrjun. Á þessari helgi er ákveðið þema og í ár var það Indíána og Kúrekaþema. Mátti sjá margar glæsilega slíka á fjörunum og voru Sörlafélagar engir eftirbátar.
Í tilefni þessarar ferðar fékk Þórður Þórmundsson, Sörlafélagi vin sinn Karl Kristinsen til að yrkja vísu um ferðina. Á laugardagskvöldi gaf hann svo þeim Óla og Gunnsu (Ólafur Lúðvíksson og Gunnhildur Viðarsdóttur) vísuna innrammaða frá okkur Sörlafélögum.
Kveðjan frá Sörlafélögum:
Löngufjörur 18-20 ágúst 2017
slútthelgin
Sprittið við alls ekki spörum
en sprettum með grínið á vörum
því gleði ei hunsa
hvorki Óli né Gunnsa
fjandi er gaman á Löngufjörum.
Ef í grámóðu týnist vor gata
það gerir menn pirraða og lata
þótt knapinn sé rakur
hann er allavega slakur
því hrossin um reiðgötur rata
Höf.K.Kristinsen
Takk fyrir okkur
Félagar í Sörla, Hafnarfirði
