Í kvöld var fundur með Landsmótsförum Sörla. Þórdís Anna Gylfadóttir mótstjóri Landsmóts og Sigurður Ævarsson yfirdómari, fóru yfir helstu atriði sem knaparnir þurfa að hafa í huga á mótinu. Börn unglingar og ungmenni fengu afhentar Sörlaúlpur. Góð stemming var í hópnum og mikil tilhlökkun. Alls eru 33 keppendur frá Sörla að keppa á Landsmóti. 

Á sunnudaginn 1. júli, hefst forkeppni í barnaflokki og unglingaflokki. Allir Sörlafélagar eru hvattir til að mæta og styðja okkar fólk. Þess ber að geta að á sunnudaginn er frítt inn á mótið og verður mikið um skemmtiatriði fyrir ungafólkið. 

Á tjaldsvæðinu ætlar Sörli að vera með partýtjald sem miðstöð fyrir Sörlafélaga  til að hittast og hafa afdrep. Endilega svipist um eftir stóru hvítu tjaldi á tjaldsvæðinu. Allir velkomnir.

Allar upplýsingar um mótið er að finna á http://www.landsmot.is/en 

 

Birtingardagsetning: 
föstudaginn, 29. júní 2018 - 21:42
Sörli Hestamannafélag, Íþrótt, Lífstíll
Sörli Hestamannafélag, Íþrótt, Lífstíll