Heildarniðurstöður íþróttamóts Sörla og Graníthallarinnar 2015

Stórglæsilegt Íþróttamót Sörla og Graníthallarinnar fór fram á Sörlastöðum dagana 14. – 17. maí.  Hátt í 400 skráningar voru á mótið.  Mótið hófst stundvíslega kl. 8.30 á fimmtudagsmorgun með knapafundi og lauk með glæsilegum A-úrslitum meistara kl .19.00 á sunnudagskvöldið.  Boðið var upp á fjölmargar greinar í flestum flokkum á mótinu.  Sú nýbreytni var innleidd að hafa alla einkunnargjöf á rafrænu formi.  Dómarar og ritarar voru með spjaldtölvur í bílunum og skráðu inn einkunnir sem birtust svo á skjá hjá þuli. Einkunnir voru því ekki lesnar upp af spjöldum eins og venjan hefur verið heldur las þulur einkunnir frá dómurum ásamt aðaleinkunn hvers og eins af tölvuskjá, um leið og þær voru staðfestar. 

Heildarniðurstöður og sundurliðun frá hverjum og einum dómara birtust síðan á facebook síðu mótanefndar Sörla.  Vonaðist mótanefnd Sörla að þetta myndi bæta vinnuaðstöðu dómara og ritara sem og auðvelda knöpum að komast yfir allar sínar einkunnir hratt og örugglega og á varanlegu formi til frambúðar. 

Almennt má segja að mótið hafi gengið vel fyrir sig þótt einhverjir hnökrar voru af og til á netsambandi.  Það var ekki annað að heyra en að keppendur, starfsmenn og áhorfendur hefðu skemmt sér vel og líkað þessi breyting á mótshaldi ágætlega  Keppendur sýndu íþróttamannslega hegðun, mættu stundvíslega í braut og voru almennt til fyrirmyndar á velli.  Það má segja að hart hafi verið barist í öllum flokkum og fjölmargar glæsilegar sýningar sáust.

Mótanefnd Sörla vill þakka dómurum fyrir vel unnin störf og þátttöku þeirra í innleiðingu á rafrænni skráningu en þeir voru: Ólöf Guðmundsdóttir, yfirdómari, Ketill V. Björnsson, Pétur Vopni Sigurðsson, Gunnar Eyjólfsson og Sævar Örn Sigurvinsson.

Einnig þakkar mótanefnd styrktaraðilum fyrir veittan stuðning en Graníthöllin var aðalstyrktaraðili mótsins. En að auki styrktu eftirfarandi aðilar mótið: ISS Ísland ehf,Steinmark, Ræktunarbú Söðulsholti, Ísspor, Snorri Dal og Anna Björk Ólafsdóttir, Önnu Konditori, Hrossaræktunarbúið Valstrýta, Stoð hf, Garðaúðun Valentínusar og Róberts, ROR hf, Pökkun og flutningur ehf  Propack og Fasteignasalan Hraunhamar

Að lokum mótanefnd Sörla þakka öllum þeim sjálfboðaliðum sem störfuðu við mótið fyrir sitt framlag því án þessara sjálfboðaliða væri ekki hægt að halda svona glæsilegt mót.  

Heildarúrslit íþróttamóts Sörla og Graníthallarinnar 2015 voru eftirfarandi:

Par mótsins:  Katla Sif Snorradóttir og Gustur frá Stykkishólmi (Sörli)

Stigahæstu knaparnir
Barnaflokkur:  Katla Sif Snorradóttir (Sörli)
Unglingaflokkur:  Annabella R. Sigurðardóttir (Sörli)

Samanlagðir fjórgangssigurvegarar
Ungmennaflokkur: Arnór Dan Kristinsson og Straumur frá Sörlatungu (Fákur)
2. Flokkur: Sverrir Einarsson og Kraftur frá Votmúla II (Sprettur)
1. Flokkur: Sandra Pétursdóttir Jonsson og Kóróna frá Dallandi (Hörður)
Meistaraflokkur: Bergur Jónsson og Katla frá Ketilsstöðum (Sleipnir)                                                                                  

Samanlagðir fimmgangssigurvegarar

Ungmennaflokkur:  Hafdís Arna Sigurðadóttir og Gusa frá Laugardælum (Sörli)
2. Flokkur: Enginn uppfyllti skilyrði
1. Flokkur:  Enginn uppfyllti skilyrði
Meistaraflokkur:  Hinrik Þór Sigurðsson og Álfadís frá Hafnarfirði (Sörli)

Nálgast má niðurstöður á prentvænu og læsilegu formi hér